Штип до крајот на годината ќе добие модерен и репрезентативен стадион со категоризација за натпревари и од највисок ранг. Денес се започнува со внатрешно уредување и изведба на нова пристапна улица и нов влез со дополнителни паркинг места, а според динамиката на градежните работи до почетокот на новата сезона се очекува да биде завршена западната…
Визионерот кој пред повеќе од еден век го разбра светот како поле за културен натпревар на народите, оставајќи аманет да продолжиме да ги негуваме неговите идеали за Македонија. Вечна му слава на апостолот на македонското револуционерно движење.
Според планираната динамика, денес беше започната реконструкција на тротоарите на влезот од градот на ул.”Партизанска”. Како што беше и најавено, Општина Штип продолжува интензивно да работи на изградба и реконструкција на нови пешачки површини, кои ќе обезбедат слободно и безбедно движење на пешаците!
Денес навршуваат 82 години од бомбардирањето на градот, а Штип се сеќава на пролеаната крв и на жртвите за денешната слобода! Штипјани никогаш нема да ги заборават загинатите, а нашата обврска е да ја продолжиме мисијата кон подоброто и човечното, искористувајќи ги најдобро можностите што ни се дадени, благодарение на нашите бранители.
Деновиве беше завршено асфалтирањето на дел од ул. Астибо. Во наредниот период интензивно ќе се пристапи кон подобрување на инфраструктурните услови во сите населени места во нашиот град.
Денес жителите на населба “Баби” добија реконструирана улица со поставување на нов асфалт на ул.Руен од 1250м2, во вредност од 854.762,00 денари, средства обезбедени од Буџетот на Општина Штип.
Благодарение на општествено одговорни компании, денес продолживме со пошумување и раззеленување на неколку голи површини во Штип. Вработените од ЈП Исар заедно со нашите сограѓани засадија 1300 садници “Американски чемпрес”. Само на овој начин заедно можеме да придонесеме кон почист воздух во нашиот град и подигнување на јавната свест за подобра животната средина.
За првпат после 30 години, жителите на населба Пребег ќе добијат ново спортско рекреативно игралиште на кое ќе биде поставена специјализирана вештачка трева за мал фудбал. Игралиштето ќе биде целосно оградено со заштитна ограда и целосно осветлено, заради подобра функционалност и безбедност во вечерните часови. Ова катче ќе биде збогатено со детски содржини за најмалите…
Општина Штип денес одбележува 10 години од воведувањето на првото добро од Република Македонија на репрезентативната листа на светското нематеријално културно наследство наќ УНЕСКО – традицијата Чет’рсе. Овој обичај се изведува во Штип години наназад за верскиот празник Св. Четириесет Маченици, на првиот ден од пролетта.
Денес вработените во Општина Штип и јавните претпријатија, реализираа заедничка акција за засадување на неколку илјади садници црн бор на месноста „Kумлак”. Со оваа акција ќе ги зголемиме зелените површини, позитивно ќе влијаеме за почист воздух во нашиот град и подигнување на јавната свест, а ќе го унапредиме квалитетот на животната средина, преку пошумување и…