Започнато е со поставување на заштитна ограда по течението на реката Отиња, односно по пешачката површина на улицата Кеј Маршал Тито, од градската црква „СВ.Илија“ до Градскиот трговски центар, или во должина околу 925 метри.
Се работи за ограда која ќе чини 1,7 милиони денари и ќе биде дополнителна заштита за пешаците кои го минуваат тој дел од централното градско подрачје.
Финансиските средства се одобрени од Владата по прифатен амандман од страна на пратеничка група.
„Сакам да се заблагодарам на Владата за тоа што реални ги следи потребите на Општините и на граѓаните и парите ги насочува за вистинските потреби. Ние како локална самоуправа изработивме проект и распишавме тендер со што се започна со поставување на оваа ограда како дополнителна заштита за пешаците,“ истакна градоначалникот Бочварски.
Владата на Република Северна Македонија дополнително одвојува средства за најважниот проект за штипјани, Брана на реката Отиња, со тоа се покажува дека локалната и централната власт имаат добра соработка за потребите на граѓаните.
