Општина Штип ги повикува заинтересираните граѓански организации да се вклучат во вториот циклус на финансирање во рамките на проектот ReLOaD 3 – Регионална програма за локална демократија која е финансирана од Европската унија (ЕУ), а ја спроведува Програмата за развој на Обединетите нации (УНДП).
По тој повод, на 05 Октомври 2026 година (понеделник), со почеток во 12:00 часот, во Сала 2 ( кат) на Општина Штип, ќе се одржи информативна сесија на која граѓанските организации ќе се запознаат со можностите за финансирање, условите и критериумите за учество, како и со начинот на подготовка и поднесување на проектните предлози.
Информативната сесија ќе биде можност за граѓанските организации да добијат дополнителни појаснувања и да постават прашања во врска со процесот на аплицирање.
Вашето учество е од голема важност за успешна соработка и обезбедување транспарентен, инклузивен и ефикасен процес на планирање и финансирање на проекти кои се од интерес за граѓаните и општината. На дебатата ќе бидат разгледани приоритетите од областа на:
- Социјална инклузија и поддршка на ранливи групи;
- Животна средина и одржлив развој;
- Младински развој, образование и активизам;
- Култура, уметност и заштита на културно наследство;
- Локален економски развој и иновации.
Општина Штип ги охрабрува граѓанските организации да ги искористат можностите што ги нуди програмата и со своите идеи и иницијативи да придонесат кон создавање поактивна, инклузивна и одржлива локална заедница.
Информативна сесија:
Датум: 05.10.2026 година (понеделник)
Време: 11:00 часот
Место: Сала 2 ( кат) на Советот на Општина Штип, ул. Васил Главинов 4Б, 2000 Штип, Северна Македонија
