Секоја година на 2 Април се одбележува Светскиот ден за подигање на свеста за аутизмот во светски рамки. По повод овој ден, Градоначалникот и Секретарот на Општина Штип, ги посетија аутистичните паралелки при ООУ „Ванчо Прќе“ и Дневниот центар за деца со аутизам и им врачија пригодни подароци, односно наставно образовни помагала.
Борбата против дискриминацијата, славењето на разноликоста и вклучувањето на луѓето со аутизам во рамките на општеството се основни начела кои се важни за подигање на свеста кај луѓето. Секогаш да се зборува гласно, не само симболично и сите заедно да ја сложуваме сложувалката на среќата, секој ден од животот.
