Оваа година , за жал церемонијата за доделување на наградите ќе биде скромна и во услови наметнати од состојбите со пандемијата од Ковид 19, а согласно протоколите пропишани од Комисијата за заразни болести, но тоа ниту малку не ја намалува свеченоста на овој чин, а уште помалку значењето и големината на годинешниве добитници на наградите.
Согласно член 7 и член 8 од Одлуката за востановување на општински награди и признанија , носители на наградата 19 декамври се:
– Наџаков Мирко. Неговото име е синоним за врвен спортист, фудбалер, педагог кој покрај својата богата спортска кариера е автор и на повеќе од 700 страни стручна литература за современиот фудбал, тренинг, начин на подготовка и игра. Како резултат на целокупниот негов ангажман во фудбалот од страна на ФФМ ја има добиено наградата 50 ГОДИНИ АКТИВНО УЧЕСТВО ВО ФУДБАЛСКИОТ СПОРТ.Роден е на 5 август 1939.
– Барбареев Кирил. Редовен професор на Факултетот за образовни науки на Универзитетот Гоце Делчев во Штип. Професор кој систематски работи на подигнување и зајакнување на системот за образование и професионален развој на воспитувачите и наставниците во државата. Роден е на 1 јули 1976.
– Жежова Катица. Хуманист кој живее со и за мотото ПРЕД СЕ БИДИ ЧОВЕК. Нејзината сестраност на полето на хуманоста го надминува шаблонот хуманитарец крводарител, иако до сега има дарувано крв повеќе од 80 пати. Иницијатор , мотиватор и мобилизатор на голем број хуманитарни акции ширум државава но и надвор од неа. Родена е 1958 год во Штип.
– Добитник на Орден Свети Никола е Г—н Михаил Данев. Општественик, политичар и стручњак кој со својот ангажман и делување одбележа речиси половина век во Штип и Македонија. Тој беше предводник на една генерација општественици во седумдесетите и осумдесетите год на минатиот век кои ја започнаа преродбата и модернизацијата на Штип.За време на неговиот мандат како претседател на Општина Штип (1974-1982) меѓу другото градот ги доби капиталните објекти на кои сме горди и денес:
-новиот Медицински центар
-Домот на културата
-Новата административна зграда на општината
-Новата зграда на Библиотеката Гоце Делчев.
Роден е 1 јули 1941 г.
Тоа е листата на годинешниве носители на признанија и во ова прилика сакам јавно не само да им честитам туку и да им се заблагодарам за нивниот придонес, ангажман и залагање кој покрај нивна лична афирмација значи многу и за афирмацијата на Штипво рамки на државата но и пошироко. Ви благодарам,“ истакна во својата прес конференција Миланов.
