Денеска градоначалникот на Општина Штип, Благој Бочварски прими донација од тетовската фирма „Еколог интернационал“ и семејството Дестани. Се работи за донација од 50 таблети за деца од основните училишта кои потекнуваат од социјално загрозени семејства.
Овие таблети ќе им помогнат на многу деца да ги следат онлајн часовите додека трае вонредната состојба.
„Сакам да упатам огромна благодарност до фирмата Еколог интернационал и семејството Дестани од Тетово кои во овие тешки моменти за државата покажуваат огромна општествена одговорност и донираат таблети насекаде во државата.
Во Штип донирани се 50 таблети за деца од социјално загрозени семејства кои учат во основните училишта,“ изјави Благој Бочварски.
