Градоначалникот на Општина Штип, Благој Бочварски упатува честитки по повод празникот Рамазан Бајрам, на граѓаните од исламската вероисповед во која се вели:
„Во мое лично име и во име на Општина Штип го честитам големиот празник Рамазан бајрам, на граѓаните од исламската вероисповед, со желби за многу здравје и среќа.
Во духот на овој голем празник, да ги негуваме културите и традициите, взаемно да си помагаме и да постигнуваме успеси. Одбележувањето на празникот и продолжувањето на традицијата годинава ќе се прилагоди во кругот на семејството што е и јадрото на духовноста
Само така сплотени и единствени ќе го надминеме предизвикот којшто е исправен пред нас, а тоа е пандемијата од Ковид 19.
Почитувани сограѓни,
Ние сме пример како треба да се јакне почитта, соживотот и разбирањето од сите вери и нации и како треба да се создаваат вредности за идните генерации.
Нека ви е честит Рамазан бајрам,“ стои во честитката од градоначалникот.
