В.д. Градоначалникот на Општина Штип, Јане Миланов заедно со директорот на ЈП „Исар“, Живко Тасев извршија увид во работните активности за реконструкција на водоводна линија на улица Скоевска во населбата Пребег.
Се работи за реконструкција на водоводна линија во должина од 400 метри која беше приоритетно барање на граѓаните во овој дел од градот.
„ Ова беше едно од главните барања на граѓаните од овој дел од градот. Реконструкцијата на водоводот на улица Скоевска ќе чини 1,8милиони денари и ќе се работи во две фази, потоа ќе ја реконструираме водоводната линија на улица Славонска Пожега која ќе чини 2,2 милиони денари,“истакна Миланов.
Директорот на ЈП „Исар“ истакна дека со овој зафат граѓаните ќе добијат подобар проток на вода до своите домови.
Ваквата реконструкција се прави после долги години, односно од самото основање на населбата Пребег.
Се реализираат најпотребните барања на граѓаните со кои им се олеснува секојдневното функционирање.
