Денес се одбележаа 29 години од постоењето на Армијата на РСМ во касарната „Јане Сандански“ во Штип.
Во присуство на командантот и потполковник на вооружените сили Стојанче Костов беше доделена плакета и благодарница на градоначалникот за остварените резултати во Армијата, за нејзиното јакнење и осовременување како и афирмирање на нашата земја.
Со особена гордост им го честитаме денешниот празник, упатувајќи искрена благодарност на припадниците на Армијата, на нивната континуирана посветеност, и несебичен ангажман за заштита на територијалниот интегритет и безбедноста на нашата држава.
Голема благодарност и на нивната професионалност во справувањето со пожарите. Горди сме на брзата акција, но и за енергијата и трудот кои ги дадоа за огнените стихии да бидат ставени под контрола.
Нека ни е честит Денот на Армијата на Република Северна Македонија.
