Градоначалникот на Општина Штип, Благој Бочварски упатува честитки по повод 24 мај – Денот на сесловенските просветители Кирил и Методиј, во која се вели:
„Дозволете ми да упатам честитка по повод претстојниот празник Кирил и Методиј – Денот на сесловенските просветители.
Успесите и постигнувањата со поставувањето на темелите на писменоста од страна на браќата Кирил и Методиј се богатство за денешните и за идните генерации на граѓани.
Делата кои се оставени од браќата Кирил и Методиј треба да бидат нашата водилка кон еднаквоста и рамноправноста, пат до општество за сите.
Затоа што подеднакво секој граѓанин има право на образование и култура.
Нека ни е честит големиот празник Свети Кирил и Методиј,“ стои во честитката од градоначалникот Бочварски.
