Дома Градоначалник
Градоначалник на Општина Штип

Gradonacalnik-SaskoNikolovД-р Сашко Николов

Лични податоци:

Роден: 30 Јули 1980, Штип

Партија: СДСМ

Сопружник: Катерина Барзова Николова (в. 2016 год.)

Образование: Универзитет „Св. Кирил и Методиј“

Професија: Доктор по медицински науки

 

Детство, образование и рана кариера:

Сашко Николов е роден 30.07.1980 година во град Штип, од татко Ѓорѓи , мајка Стерјана Николови, постаро дете од двајца браќа. Своето детство го поминува во родното маало под болницата во центарот на градот. До своето школување е чуван од своите баба и дедо и своите родители кои живеат во иста куќа.

Забавиште започнува во ОУ “Ванчо Прќе ” кај учителката Даница Милева, каде што го продолжува основното образование кај учителката Свиленка Брашнарова, за од петто одделение да продолжи со истите соученици во V-1 училница или “А” смена со класна Трајанка ( наставничка по Англиски јазик ). Осмолетката ја завршува како истакнат одличен ученик.

По завршувањето на основно образование, средното го продолжува во гимназија “Славчо Стојменски”, математички смер,каде што сите четири години ги поминува со одличен успех. Три години од гимназиското образование беше и претседател на класот.

Од своја 6 годишна до 19 годишна возраст се занимава со карате каде што е дел од пионерската, јуниорската, младинската, и сениорската карате репрезентација на Р.Македонија. Во истиот тој период тренира фудбал 3 години во ФК Брегалница.

По завршување на средното образование се запишува на медицинскиот факултет , при Универзитет “ Св. Кирил и Методиј”- Скопје, кој го завршува во оптимален рок со просек 8,50 и по завршувањето започнува со работни активности како медицински претставник а веднаш потоа отвара и своја компанија за матични клетки.

 

Кариера:

Специјализацијата по интерна медицина ја запишува во 2008 година, во 2009 се вработува во приватната кардиохируршка институција “Филип Втори”.

Во 2012 година завршува со својата специјализација и продолжува да работи како спец. интернист- кардиолог во болницата “Филип Втори”.

Во 2014 година ја напушта болницата “Филип Втори” по пет години работно искуство и се префрла во ЈЗУ “Клиничка Болница” – Штип, каде што во наредните 6 години врши создавање и основање на интервентното кардиолошко одделение. Едуцира сопствен тим од доктори, сестри, технолози, болничари и хигиеничари и го превзема целото кардиоваскуларно здравје во источниот регион.

Во 2017 година неговото одделение се одделува од интерното одделение и тој е назначен за прв началник на интервентна кардиологија во ЈЗУ” Клиничка болница “ – Штип.

Во текот на својата кариера од 2010 година па се до 2020 година посетува интервентно кардиолошки семинари каде што станува редовен предавач на светскиот интервентен кардиолошки конгрес во Париз каде што е гостин секоја година, создава специјален однос со интервентните кардиолози во Република Бугарија , Република Грција, редовен и чест гостин е во Република Србија и Република Хрватска. Влегува во првите 20 интервентни кардиолози на балканско ниво кои што ги прават и протоколите за миокарден инфаркт на Балканот, а станува и дел од тимот на 10 интервентни кардиолози кои што работат на воспоставување на протоколи за стентирање на долните екстремитети.

Истата 2017 година се вклучува во активностите на политичката партија на СДСМ, како кандидат за советник на листата на советници на локалните избори во 2017 година и станува дел од советот и останува на таа функција се до прекинувањето на мандатот во 2020 година.

Во јуни, 2020 година Д-р Сашко Николов е избран за пратеник и станува дел од парламентарниот состав во собранието на Р.С. Македонија.

Во декември на предвремените избори за градоначалник е избран за градоначалник на град Штип.

 

Обукуи:

2014 година- Австралија ( со времетраење од 1 месец )

2016 година- Германија – Берлин ( со времетраење од 1 месец )

2017 година – Австрија – Салцбург

2018 година – Индија

2019 година - Тајланд

 


Tourist map Stip resize

kvalitet na vozduh PM10 resize

ombudsman logo mk

Банер

Календар

Јануари 2021
П В С Ч П С Н
28 29 30 31 1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Банери

Банер
Банер
Банер
Банер

ISO sertifikat baner resize