Ве известуваме дека Општина Штип, во функција ќе стави возило, коешто во септември 2019 година и` е доделено од страна на Агенцијата за управување со одземен имот.
Возилото Ауди А6, ќе се користи исклучиво за потребите на општинската администрација, со цел уште поефикасно и експедитивно извршување на работните обврски, и поголема продуктивност во нивното реализирање.
Активностите на општинската администрација се во интерес на граѓаните и многу е важно сите зададени задачи да бидат навремено извршени.
Притоа, ја известуваме јавноста дека Општина Штип нема да врши набавки на возила заради луксуз, туку согласно законските можности, единствено ќе користи донации, по примерот на овој случај, за што јавноста секогаш ќе биде редовно информирана.
Транспарентно, отчетно и домаќинско работење се главните цели и приоритети на Општина Штип и само така ќе продолжиме да ја градиме довербата на граѓаните.
