Штип станува пример за зелена и одржлива општина преку проектот „EcoScare“

Општина Штип продолжува активно да работи на развојот и уредувањето на зелени површини во рамки на проектот „EcoScare“ со цел подобрување на квалитетот на животот и промоција на одржливи урбани зелени простори.  Во тек се активности за создавање нови паркови и зајакнување на урбаната зелена инфраструктура што обезбедува повеќе простори за рекреација и подобрување на животната средина.

„Нашата општина активно работи на развојот на зелена инфраструктура преку проектот „EcoScare“. Во рамки на овие активности веќе започнавме инвестициски проекти за уредување на зелени површини, вклучувајќи три паркови, два урбани и еден мал џебен парк, со вкупна површина над еден хектар. Нашата цел е Штип да стане пример на општина која системски ја интегрира и координира урбаната зелена инфраструктура промовирајќи практични и еколошки решенија во урбаните средини. Особено сме горди што во 2026 година очекуваме усвојување на првата регионална заедничка стратегија за зелена инфраструктура за Источен плански регион (2025–2035), каде ќе бидат идентификувани приоритети и мерки за воспоставување на одржливи решенија базирани на природата“, изјави градоначалникот Јорданов.