Започнато е со реконструкција на кровната површина во СОУ „Коле Нехтенин“, ова е инвестиција на Министерството за образование и наука.
После инвестицијата во основното училиште „Тошо Арсов“ за замена на кровот и фасадата, Општина Штип и Министерството за образование и наука продолжија во средното училиште Коле Нехтенин.
„Се работи за инвестиција од околу 17 милиони денари за реконструкција на површина од над 4000 метри квадратни кровна површина во СОУ „Коле Нехтенин“,“ истакна заменик градоначалникот Јане Миланов.
Директорот на училиштето Коле Нехтенин потенцираше дека ова е важен момент и важна инвестицја за ова средно училиште и за наставниот кадар и учениците кои го посетуваат училиштето.
Општина Штип продолжува со инвестирање во образовните институции како клучен дел за правилниот развој на младите.
