Штипската населба Сењак ќе добие нова паркова површина вредна околу од еден милион денари, пари издвоени од буџетот на општината.
Станува збор за нов парк со повеќе детски содржини, летниковци, садници, како и монтажен тоалет.
„Ова ќе биде ново катче наменето за најмладите и највозрасните. Упатувам апел до нашите граѓани заеднички да го чуваме тоа што го правиме од нашите пари за Штип“, потенцираше градоначалникот на Штип, Иван Јорданов.
