Како дел од процесот URBACT Pioneers Accelerator, на 16 април 2026 година во Конференциската сала на Општина Штип се одржа Action Lab 4, со фокус на кластерот за управување со отпад. На работилницата учествуваа 14 претставници од локалната самоуправа, јавните претпријатија, граѓанскиот сектор и образовните институции, под фасилитација на Биљана Радоњанин, локален URBACT ментор.
Главната цел на овој настан беше транзицијата од развојната фаза кон подготовка за имплементација (Deliver фаза), односно преточување на идеите во конкретни чекори. Преку структуриран процес на евалуација според критериуми како потреба, вредност, изводливост и видливост, учесниците ги анализираа приоритетните пакет-решенија.
Како резултат на конструктивната дискусија и заедничкото одлучување:
- Се дефинираше јасен пилот-насочник кој комбинира инфраструктурни подобрувања и едукација и вклучување на заедницата.
- Се постави основата за пилот акционен план и структура за идна имплементација.
- Се зацврсти чувството на заедничка сопственост и поддршка меѓу сите клучни засегнати страни.
Процесот продолжува понатаму со конкретни чекори кон поодржлив и почист Штип!
