Градоначалникот на Општина Штип, д-р Зоран Алексов, ги охрабрува и повикува сите сограѓани од денес па во наредните 15 дена да земат учество во изготвувањето на Законот за третман на бесправно изградени објекти.

„Со оглед на тоа што во Штип имаме огромен проблем со дивоградбите, најефективно ќе биде доколку заеднички се насочиме кон решавање на овој затекнат проблем“, истакнува Градоначалникот Алексов.

Со цел креирање на ефективно и применливо законско решение, Министерството за транспорт и врски ги повикува граѓаните да оставаат свои забелешки, идеи и коментари во однос на работната верзија на Законот. Граѓанските мислења се оставаат или на Оваа е-пошта е заштитена од spambots, треба да вклучите JavaScript за да ја видите или директно во Едношалтерскиот центар со цел Општина Штип да испрати до Министерството група од коментари.

Забелешките треба да се испраќаат најдоцна до 15 август 2010 год.