Дома Соопштенија честитка по повод Ден на независноста 8 септември
честитка по повод Ден на независноста 8 септември
Петок, 07 Септември 2018 10:12

Blagoj BocvarskiГрадоначалникот на Општина Штип, Благој Бочварски, упатува честитка до сите граѓани на општина Штип, по повод денот на независноста на Република Македонија – 8 септември, во која се вели:

„Дозволете ми во мое лично име и во име на Општина Штип да ви го честитам 8 септември – Денот на независноста на Република Македонија, Денот на историското „ДА“ на граѓаните на Република Македонија кое значеше независна, самостојна и суверена држава.

Пред 27 години Македонија покажа зрелост за самостојна држава. Низ годините, сите ние заеднички минувавме низ различни искушенија, минувавме низ многу успеси и падови, градевме пријателства за кои сме убедени дека ни се потребни.

Македонија денес се наоѓа пред уште една историска одлука, а граѓаните се на најважната крстосница: ќе нѐ биде или не. Ако во 1991 година гласавме ЗА самостојна и суверена држава, денес сме пред одлука каде ќе чекори нашата држава во иднина.

Историјата ја пишуваат тие што носат одлуки, а не тие што се кријат. Ние сме таа генерација која треба да донесе одлука за иднината на државата. Денес сме на чекор од влез во семејства во кои ќе ги споделуваме заедничките вредности и начела, а тоа се: демократијата, реформите и владеењето на правото.

Да застанеме рамо до рамо до светските сили.

Како и во 1991, така и денес веруваме дека нашите граѓани ќе донесат мудра и државничка одлука, одлука со која сите ќе се гордееме, нов 8 септември за идните генерации.

На самиот крај дозволете ми уште еднаш да го честитам денот на македонската државност и воедно да ви посакам пријатно празнично расположение,“ стои во честитката од градоначалникот Бочварски.

 

 

kvalitet na vozduh PM10 resize

Moja opstina-baner resize

Makfest 2012 resize

ombudsman

Банер

ekoloski-dozvoli-baner

Календар

Декември 2018
П В С Ч П С Н
26 27 28 29 30 1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31 1 2 3 4 5 6

Банери

Банер
Банер
Банер
Банер
Банер
Банер
Банер
Банер

ISO sertifikat baner resize