Романскиот амбасадор Јустинијан Фокша денес престојуваше во посета на Штип.

Амбасадорот Фокша оствари средба со градоначалникот на Штип, д-р Зоран Алексов во неговиот кабинет во Општина Штип.

Ново-именуваниот романски амбасадор имаше за цел да се запознае со Штип како центар на источна Македонија а се разговараше за продлабочување на соработката. Беа претставени економските потенцијали на градот, како и културно-историските факти.

- Штип е Универзитетски град и овде гледаме одлична можност за соработка. Ние имаме пријателски врски со Романија, што значи дека имаме мноштво полиња на кои можеме да соработуваме – изјави по средбата градоначалникот Алексов.

Романскиот Амбасадор е задоволен од посетата и вели дека добил многу информации за Штип, за градот на Универзитетот „Гоце Делчев“, на текстилната индустрија и друго:

- Ја поддржувам идејата на градоначалникот, да најдеме град во Романија кој е Универзитетски центар и на тој начин да воспоставиме подлабока соработка. Како што е познато, ние имаме два конзулата во Македонија а во моментов работиме на идејата да се отвори почесен конзулат на Романија во Штип. Кога тој ќе биде отворен, ќе се отворат и можности за дополнително економско, образовно и културно поврзување – изјави амбасадорот Фукша.

Ова е прва официјална посета на романскиот Амбасадор Јустинијан Фукша на град Штип.