ЗЕЛС  во соработка со НАЛЕД (Германско друштво за општетсвена соработка-Отворени регионални фондови) отпочнаа со реализација на заедничкиот проект: Бизнис пријателска сертификација – Меѓународен печат за квалитет за бизнис пријателски заедници.

Проектот предвидува сертификација на општините, процес во кој тие ќе бидат поддржани во подобрување на услугите и градење на капацитети за локален економски развој. Во проектот покрај Штип се вклучени уштенеколку општини.

- Располагањето со сертификат значи дека општините располагаат со одредени стандарди што ќе биде дополнителен мотив за странски нинвеститори да добијат услуги и информации со што им се олеснува дејноста во која инвестираат во дадената општина – изјави Ханс Естерман, развоен менаџер на НАЛЕД кој дене симаше средба со градоначалникот на Штип, д-р Зоран Алексов.

- Потребно е да се исполнат 12 критериуми и околу 80 поткритериуми. Но ако се видат главните критериуми, ќе се види дека Штип веќе исполнува над 80% од нив. Остануват само детали кои во следните 6 до 18 месеци ние ќе ги исполниме и ќе можеме да го добиеме тој сертификат – изјави градоначалникот Алексов.

Штип веќе располага со кредитен рејтинг, што е еден од критериумите, исто така и со стратегија за Локален економски развој, канцеларија на Одделение за локален економски развој, што исто така се дел од 12-те критериуми. Сега ќе следи креирање на економски совет, во кој ќе се воспостави комуникација со бизнис заедницата за решавање на заеднички проблеми и за поддршка на бизнис секторот.