Во рамки на Програмата за градење на капацитети на невладините организации од Молдавија, Романија, Албанија и Македонија за родово одговорни анализи на локални политики и буџети, кој е финансиски поддржан од UN Women, Тело на Обединети Нации за родова еднаквост и зајакнување на жените, Штип се најде меѓу трите града од Р. Македонија, покрај Кочани и Свети Николе, кои беа посетени од жени претставнички на различни владини и граѓански структури од Молдавија и Романија.

Во рамки на Акциониот план за заштита од дискриминација на локално ниво на Општина Штип, кој беше донесен од Советот на Општина Штип, изготвен од Локалното координативно тело за заштита од дискриминација, што е дел од проект на Асоцијацијата за здравствена едукација Х.Е.Р.А и Општина Штип, финансиски поддржан од Холандска амбасада во Република Македонија, на 30 октоври во општината се одржа обука за стручните служби на основните и средните општински училишта на тема:„Родово базирано насилство“.

На 22 октомври 2018 година во Хотел Солун во Скопје беа презентирани резултатите од Индексот на родова рамноправност на општините во Република Македонија, подготвен од ЗГ Реактор – истражување во акција со поддршка на проектот од страна на УСАИД за граѓанско учество. На презентацијата учествуваа министерката за труд и социјална политика Мила Царовска, директорот на Државен завод за статистика Апостол Симовски, директорот на Канцеларијата за општи работи на УСАИД во РМ, Раул Гонзалес, претставници од здруженија на граѓани, како и координатори за еднакви можности на општините. Од Општина Штип присутни беа координаторот Снежана Санева и заменик координаторот за еднакви можности Марина Митревска.

Втората работилница за изработка на Стратегијата за унапредување на родовата рамноправност на Општина Штип 2019-2023 беше одржа на 24 и 25 септември во Берово. Истата започна со дополнување на SWOT анализата, која претходно беше изготвена на првата работилница, одржана на 17 септември во општината. Работилницата беше финансиски поддржана од телото на Обединетите нации за жени UN Women, а беше водена од Кристина Хаџи Василева, ангажиран консултан од UN Women, извршен директор на Консалтинг за стратешки разво и Боби Шарковски, претставник на Фондацијата за развој на локалната заедница.

Реализирањето на визија за градот секако го опфаќа концептот за еднаквост на сите граѓани на нашиот град. Тоа подразбира еднаков пристап до сите добра и услуги, еднаков третман на сите, отсусто на секаков вид на дискриминација и исклучување на било која група на граѓани. Штип треба да биде модерен град на слободоумни, отворени граѓани кои ги остваруваат своите права и обврски во една демократска атмосфера. Секој граѓанин може да ги даде своите предлози и идеи за подобра иднина на сите.

Во рамки на проектот  „Заштита од дискриминација на локално  ниво“ кој се реализира со Х.Е.Р.А  - Асоцијација за здравствена едукација, поддржан од Амбасадата на Кралството Холандија во Скопје, во кој учествуваа неколку општини, меѓу кои и Општина Штип, произлезе заклучокот дека е добро,  за успешно спроведување на Законот за заштита и спречување на дискриминација  на локално ниво, да биде формирано Координативно тело за заштита од дискриминација, составено од членови од различни институции и од претставници од граѓанскиот сектор.

Во рамки на проектот „Подготовка на модел за интегративен пристап на пакетот на неопходни услуги за жени и девојки – жртви на семејно насилство“, кој е дел од регионалната програма на UN Women „ Спречување на насилството врз жените во земјите од Западен Балкан и Турција: Спроведување на норми, промени и ставови“, во периодот од 27 до 29 јуни во Берово се одржа обука на Мултисекторскиот тим кој работи на спроведување на проектот во Република Македонија. Овој тим беше формиран на иницијатива на НВО ЕХО и Здружението на жени од Општина Струмица со цел да се соберат искуствата од сите институции кои директно непосредно се соочуваат со жртви на насилство, односно директни даватели на услуги. Тоа се: ЦСР, Здравствени институции, МВР, Обвинителство, Судство, Полиција, Општина. Претставниците на овие институции имаат задача да разработат најквалитетен модел за интегративен пристап во решавањето на проблемот на жените жртви на насилство. Во таа насока, треба да се создаде најдобра подлога за имплементирање на Истанбулаката конвенција која во Република Македонија беше ратификувана на 29 декември 2017 година, а истата стапи на сила на 1 јули 2018 година. Општина Штип е дел од Мултисекторскиот тим со свој претставник, координатор за еднакви можности, Снежана Саневa И раководител на Одделение за поддршка на градоначалникот Милкица Санева.

На 14.05.2018, во хотел “Оаза” – Штип, се одржа трибина на тема “ДИСКРИМИНАЦИЈА: Како да ја препознаам и што потоа?”, организирана од страна на– Асоцијацијата за здравствена едукација и истражување Х.Е.Р.А. како и од Здружението на граѓани ЕХО- Едукативно-хуманитарна организација од Штип, со поддршка од НВО Цивика Мобилитас.

На 12 мај 2018 година во организација на Општина Штип, како дел од Акцискиот план за еднакви можности на Општината, децата со попреченост во развојот заедно со своите родители беа во еднодневна екскурзија на Дојран и Струмица. Посетата им овозможни еднодневно дружење и релаксација на овие дечиња кои не го криеја своето задоволство од прошетката.